काठमाडौं महानगरपालिकाका मेयर बालेन्द्र साह (बालेन) अन्डरग्राउण्ड पार्किङका पसल हटाउन आफैँ फिल्डमा उत्रिएका छन् ।
पसल हटाउन मेयर साहसहितको टोली सोमबार बानेश्वर क्षेत्रमा पुगेको छ । टोलीले बानेश्वर प्लाजाको अण्डरग्राउण्डमा राखिएका पसलहरू खाली गराइएको छ ।
नगर प्रहरीले ट्राफिक प्रहरीको सहयोगमा त्यस्ता पसलहरू हटाउन निर्देशन दिइरहेका छन् ।
अन्डरग्राउण्ड पार्किङको नक्सा पास गरेर व्यापारिक प्रयोजनका लागि प्रयोग गरेको पाइएको भन्दै महानगरले सूचनामार्फत हटाउन यसअघि नै जानकारी गराएको थियो । ३५ दिने म्याद सकिएसँगै महानगरले आजदेखि स्थलगतरूपमा कारबाही थालेको हो ।
