बढ्दो डेङ्गु रोग निराकरण गर्नको लागि गोकर्णेश्वर नगरपालिका वडा नं ६ सर्वेश्वर शहरी स्वास्थ्य केन्द्रले जनचेतना कार्यक्रम गरेको छ।
वडा नम्बर ६ मा रहेका सम्पूर्ण स्थानिय बासीहरुलाई डेंगु रोगको विषयमा यसको लक्षण, समाधानका उपायहरु, सरसफाई, औषधि उपचार सम्बन्धी सुचना जनप्रतिनिधी र स्वस्थकर्मीद्वारा सचेत गरिएको हो।
सर्वेश्वोर शहरी स्वस्थ केन्द्रका संयोजक रेखा श्रेष्ठ र जनप्रतिनिधी बच्छराम शर्मा कुइकेलले जनसमुदायमा पानी जम्न नदिने, पूरा कपडा लगाउने, झूलको प्रयोग गर्ने, खाद्द फोहर व्यवस्थापन गर्ने, खाल्डा खुल्डी सरसफाई गर्ने, स्वस्थमा ख्याल राख्नपर्ने कुरा, रोग लागिसकेपछी के गर्ने, रोग रोकथाम तथा आवश्यक विशयमा चेतना दिएका छन।
कार्यक्रममा वडा अध्यक्ष नवराज लामा, वडा सदस्यहरु, शहरी स्वस्थ केन्द्रका कर्माचारी र स्वयंसेवकहरु, लर्ड्स लाइट एकेडेमीका विद्यार्थीहरु , स्थानीय समाजसेविहरुको उपस्थिती रहेको थियो।
विगतका समयमा यो डेङ्गु रोग तराईमा मात्र देखिएको भए ता पनि अहिले यसले गम्भीर रुप काठमाडौ उपत्यकामा पनि लिएको छ र दिनप्रतिदिन बिरामीको संख्या बढ्दो क्रममा छ।
