भैरव स्मृति पुस्तकालय अक्षर चोक, दक्षिण ढोकाले २०७९
अश्विन ५ गते पुस्तकालय भवनमा लघु कार्यक्रम राखेको थियो।
नेपाली साहित्यका ऐतिहासिक हास्यव्यङ्ग्य कवि भैरव अर्यालको ८६ औं जन्मजयन्तीको अवसरमा उक्त कार्यक्रम राखिएको हो।
” भैरव स्मृति पुस्तकालयको नवनिर्वाचित कार्यसमिति भएकोले गर्दा कार्यक्रमलाई पूर्ण तैयारीका साथ कार्यक्रम नविनताका साथ सम्पन्न गर्न नसकिएता पनि विभिन्न बुदाहरुमा छलफल गरि आगामी दिनमा कार्यक्रम राख्ने निश्कर्षमा समिती पुगेको छ”, पुस्तकालयका अध्यक्ष पोषरमण चापागाईंले बताए।
” आगामी बर्षमा हुने साधारण सभामा हामीले भव्य र बृहत् कार्यक्रम गर्ने नै छौँ ” पुस्तकालय उपाध्यक्ष रेखा अर्यालले बताए।
कार्यक्रममा नेपाली साहित्यका हास्यव्यङ्ग्यका महान हस्ती अमर कवि भैरव अर्याललाई श्रद्दा सुमन अर्पण गर्दै उनका साहित्यिक आयाम र कलाको विषयमा चर्चा समेत गरिएको थियो।
कार्यक्रममा गोकर्णेश्वोर नगरपालिका शिक्षा समिती सदस्य, धार्मीक तथा आध्यात्मिक सद्भावना दुत रेखा अर्यालद्वारा रचित कवितासङ्ग्रह “शंखघोष” समेत उक्त कार्यक्रममा अर्यालद्वारा पुस्तकालयलाई हस्तान्तरण गरियो।
विभिन्न समाजसेवी, शिक्षासेवी, साहित्यिक व्यक्तित्व, कवि-कवयत्री तथा पत्रकारहरुको उपस्थितिमा उक्त कार्यक्रम सम्पन्न भएको हो।
