भृकुटीमण्डपस्थित समाज कल्याण परिषद्को स्टोरमा बुधबार लागेको आगो फेरि दन्किएकाे छ । बिहानैदेखि धुवाँ निस्किएपछि प्रहरीले आगो नियन्त्रणमा लिने प्रयास भइरहेकाे हाे ।
काठमाडौँ उपत्यका प्रहरी कार्यालयका प्रवक्ता प्रहरी उपरीक्षक सन्तोष सिंह राठौरकाअनुसार बाँकी रहेको आगोबाट थप आगो सल्किएपनि ठुलो क्षति भएको छैन । बिहान ६ः३० बजेतिर आगो सल्केको ठाउँबाट धुवाँ देखिएको थियो ।
हालको अवस्थामा नेपाल प्रहरी र सशस्त्र प्रहरी आगलागी घटनास्थलमै परिचालन गरिएको छ । आगो निभाउन काठमाडौँ महानगरपालिकाको एउटा दमकल र एउटा पानी ट्याक्टर प्रयोग भइरहेको छ ।
