एसिया कपको ‘सुपर फोर’मा भारत र पाकिस्तानबीचको खेलमा ‘रिजर्भ डे’राखिएको छ । भारत र पाकिस्तानबीचको खेल आउँदो आइतवार कोलम्बोमा हुँदैछ । यो खेलमा पानी पर्ने सम्भावनालाई मध्यनजर गर्दै एसियाली क्रिकेट काउन्सिल (एसीसी) ले ‘रिजर्भ डे’राखेको हो । फाइनलमा बाहेक ‘सुपर फोर’मा ‘रिजर्भ डे’राखिएको यो पहिलो खेल हो ।
यसअघि समूह चरणमा भारत र पाकिस्तानबीचको खेल वर्षाका कारण रद्द भएको थियो, जसबाट क्रिकेट समर्थक निराश भएका थिए । कोलम्बोमा केही दिनयता लगातार पानी परिरहेको छ । यस्तो अवस्थामा आइतवार खेल हुनेमा अनिश्चित छ, यही कारण ‘रिजर्भ डे’ राखिएको हो ।
आइतवार यदि खेल बीचमा रोकिएको अवस्थामा सोमवार फेरि त्यहीँबाट खेल शुरु हुनेछ । आइतवारको खेलका लागि टिकट काटेका व्यक्तिहरूलाई टिकट सम्हालेर राख्न भनिएको छ ।
