१५ औँ गणतन्त्र दिवसको अवसरमा २०७९ जेठ १५ गते मानव अधिकार तथा शान्ति समाजको आयोजनामा विभिन्न जिल्लामा कार्यक्रमहरु सम्पन्न भएको छ ।
शान्ति समाज काठमाण्डौ शाखाद्वारा आयोजित “लोकतान्त्रिक गणतन्त्र, नागरिक अपेक्षा र राजनीतिक दलहरु” विषयक गोष्ठीमा बोल्दै शान्ति समाजका सभापति गोविन्द खनालले राजनीतिक दलहरुले नागरिक अपेक्षा अनुरुप भूमिका निर्वाह गर्न सके मात्र लोकतन्त्र दिगो हुने बताउनुभएको थियो ।
शान्ति समाज काठमाण्डौ शाखा सभापति भगवान पुडासैनीको सभापतित्वमा जोरपाटीमा सम्पन्न गोष्ठीमा गोकर्णेश्वर नगरपालिकाका मेयर दिपक रिसाल, शान्ति समाजका सल्लाहकारद्वय होमकान्त चौलागाई र उत्तम पुडासैनी, पूर्व सभापति डा. गंगाधर अधिकारी, महासचिव रामकृष्ण बराल, गोकर्णेश्वर नगरपालिकाका उपमेयर सान्नानी लामा, पूर्व उपमेयर शान्ति नेपाल, गोकर्णेश्वर वडा न. ५ का अध्यक्ष नारायण सुवेदी, ६ का अध्यक्ष नवराज लामा, समाजसेवी श्रीराम चालिसे, सार्जन चापागाईले मन्तव्य व्यक्त गर्नुभएको थियो ।
![देशैभरका स्थानीय तहमा तोकियो निर्वाचन अधिकृत [सूचीसहित]](https://foureyesnews.com/wp-content/uploads/2022/03/election-commision-1.png)
