कोरिया सरकारले नेपालमा कोभिड संक्रमण घट्दै गएको जनाउँदै रोजगार अनुमति प्रणाली (ईपीएस) अन्तर्गत रोजगारीका लागि कोरिया जाने श्रमिकको संख्या बढाउने जनाएको छ । एचआरडी कोरिया, ईपीएस सेन्टर नेपालले हाललाई साप्ताहिक रुपमा १ उडानमार्फत २०० देखि २५०
श्रमिकलाई लैजाने जानकारी दिएको छ।
यसैगरी केही समयपछि हप्तामा २ वटा उडानमार्फत नेपाली श्रमिक लैजानेबारे मानव संशाधन बोर्ड (एचआरडी) कोरियासँग छलफल भइरहेको एचआरडी कोरियाको नेपालस्थित कार्यालयले विगतमा लागू गरेको क्वारेन्टाइन नियम सहज गरी ढूलो संख्यामा नेपाली श्रमिक लैजाने भएको हो एचआरडी कोरिया ईपीएस सेन्टर नेपालका प्रमुख किम उन दकले अप्रिलबाट पिसिआर परीक्षण र क्वारेन्टाइनका लागिे लागू गरिएको नियमलाई सहज बनाई साप्ताहिक रुपमा २ सय भन्दा बढ़ी श्रमिक लैजाने जनाएका छन्। यसअधि रोजगार अनुमति प्रणाली अन्तर्गत कोरिया प्रवेश गन्ने नेपाली श्रमिकका लागि लागू गरिएको ७ दिनको होटल क्वारेन्टाइनलाई घटाएर
उडान अधि २ रात ३ दिन र कोरिया प्रवेशपछি पिसिआर नेगेटिभ आएमा क्वारेन्टाइन बस्नु नपर्ने नयाँ नियम बनाइएको उनले बताए।
“यसअधि उडान हुनु ७ दिन तथा २ दिनअधि गरिने पिसिआर र ५ घण्टा अगाडि गरिने आरडीटी परीक्षणलाई सहज बनाई उडान हुनु ४८ घण्टाअधि १ पटक मात्र पिसिआर परीक्षण गरे पु्ने भएको छ,” उनले भने, “नेपालमा कोरोना संक्रमणदर घट्दै गएका कारण जुन महिनापछि कमिटेड श्रमिकले क्वारेन्टाइन बस्नुपरने नियम हट्ने छ ।”
अब कोरिया प्रवेश गर्ने नयाँ नेपाली श्रमिकले विश्व स्वास्थ्य संगठनबाट मान्यता प्राप्त कोभिड विरुद्धको खोपको पूर्ण मात्रा लगाए कोरिया प्रवेश गर्दा ३ रात ४ दिन (तालिमसहित) र कमिटेड श्रमिकको हकमा २ रात ३ दिन क्वारेन्टाइन बस्नु पर्नेछ । यसरी प्रवेश गर्ने श्रमिकले खोपको दोस्रो मात्रा १४
दिनदेखि १८० दिनभित्र लगाएको हुनु पर्ने जनाइएको छ ।                                                                                    यसैगरी कोरिया प्रवेशको तयारीमा रहेका नेपाली श्रमिकले पूर्ण मात्रको खोप लिई सिसिएमसि बाट क्युआरकोड सहितको खोप प्रमाणपत्र समेत लिनु परने छ। एचआरडी नेपालका प्रमुक दकले विगतमा नेपाल र कोरियामा कोभिड संक्रमण भएका कारण ठूलो संख्यामा नेपाली श्रमिक कोरिया प्रवेशमा
अवरोध भएको बताउँंदै अब भने कोरियाले ठूलो संख्यामा नेपाली श्रमिक लैजाने योजना बनाएको जनाए ।
हाल कोरियन भाषा परीक्षा पास भएर कोरिया जाने प्रतिक्षामा लगभग ६ हजार श्रमिक रहेका छन् । कोरियाले १६ राष्ट्र मध्ये पछिल्लो समय नेपाल र कम्बोडियाबाट धेरै श्रमिक लैजाने योजना बनाएको छ । कोरियाको कृषि तथा पशुपालन र उत्पादन क्षत्रका रोजगारदाताले विगत २ वर्षयता श्रमिक
अभाव झेलिरहेका कारण नेपालबाट ठूलो संख्यामा श्रमिक लैजाने जनाएको छ।