फोर आइज न्युज
बिहिबार, चैत्र २०, २०८१
  • होमपेज
  • वडाध्यक्षकै संलग्नतामा गुठीको जग्गामा क्लबको भवन निमार्ण

वडाध्यक्षकै संलग्नतामा गुठीको जग्गामा क्लबको भवन निमार्ण

वडाध्यक्षकै संलग्नतामा गुठीको जग्गामा क्लबको भवन निमार्ण

 ललितपुर महानगरपालिकामा वडाध्यक्षकै संलग्नतामा गुठीको जग्गा अतिक्रमण भएको पाइएको छ । महानगरपालिका वडा नम्बर ७ का वडाध्यक्ष कुलबहादुर महर्जनको प्रत्यक्ष संलग्नतामा ललितपुर गुठीको जग्गा अतिक्रमण भएको पाएको गुठी जनाएको छ ।

वडा नम्बर–८ बालकुमारीमा रहेको कित्ता नम्बर ९७ को क्षेत्रफल १–१०–२–० जग्गामा बालकुमारी रिमिक्स कल्बले अहिले धमाधम पक्की भवन बनाइरहेको छ । गुठी कार्यालय ललितपुरका अनुसार उक्त जग्गा गुठीको जग्गा हो । पक्की भवन बनाइरहेको क्लबका अध्यक्ष समेत वडाध्यक्ष महर्जन आफैं हुन् ।

केही समय अघि गुठीको जग्गामा वडाध्यक्षले क्लबको भवन बनाउन थालेपछि स्थानीयले विरोध गरेका थिए । ‘अहिले एक तला त ढलान नै भइसकेको छ, अर्को तला पनि ढलान हुने तयारीमा छ,’ एक स्थानीयले भने, ‘नजिकै ब्याडमिन्टन कोर्ट पनि बनाइएको छ, तर यो गुठीको जग्गा हो भनेर बोल्दा , धाकधम्की आउने गरेको एक स्थानीय बताउँछन ।’

गुठीको जग्गा अतिक्रमण भएको विषयमा ललितपुर गुठी शाखा कार्यालय समेत जानकारी छ । कार्यालयका प्रमुख हरिप्रसाद सुवेदीले अतिक्रमण भएको आफूहरुले जानकारी पाएको र निर्माण कार्य रोक्न पत्राचार गरिएको बताउँछन । वडाध्यक्ष महर्जनले यो जग्गा बालकुमारी मन्दिरको नाममा रहेको स्वीकार गरेका छन ।

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका