गोकर्णेश्वोर नगरपालिका-४ स्थित गोकर्णेश्वोर युवा उपकार क्लबले २० औं बडा दशमी रनिङ्ग शिल्ड फूटबल प्रतियोगिता राखेको छ।
नाम्ग्याल उ.मा.वि को खेल मैदानमा सम्पन्न उक्त प्रतियोगितामा ८ जना टिमले भाग लिएका छन।
आजको खेलमा किसिगाल ८ A ले गोकर्णेश्वोर देशे A लाई ४-० को फराकिलो अन्तरले पराजित गरेको छ। किसिगालका लागि सर्वाधिक २ गोल ज्ञान कुमार श्रेष्ठले गरे भने कृष्ण विक्रम श्रेष्ठ र अमन श्रेष्ठले १-१ गोल गरेका छन। आजको खेलका उत्कृष्ट खेलाडी ज्ञान कुमार श्रेष्ठ घोषित भएका छन।
प्रतियोगिताको उद्घाटन समारोह भोलि बिहान ८ बजे हुनेछ भने खेल निरन्तर रहि १६ गते फाइनल खेल हुनेछ।
प्रतियोगितामा सहभागी टिमलाई शिल्ड तथा नगद पुरस्कार प्रदान गरिनेछ।
खेलमा प्रथम बिजयी समुहलाई नगद ५००००/- प्रदान गरिनेछ भने सह बिजेतालाई ३००००/- नगद प्रदान गरिनेछ।
साथै उत्कृष्ट खेलाडी, सर्वाधिक गोल संकलनकर्ता तथा उत्कृष्ट गोल रक्षकलाई पनि सम्मानित गरिने कुरा आयोजकले बताएको छ।
आजको उद्घाटन समारोहमा गोकर्णेश्वर नगरपालिका वडा नम्बर ४ का वडा अध्यक्ष जयराम महत तथा गोकर्णेश्वर नगरपालिका, युवा तथा खेलकुद विकास समितिका संयोजक सञ्जय लामा द्वारा भयो भने रेफ्रीको भुमिका प्रदिप लामाले गरेका थिए।
खेल राष्ट्रियगान को साथ सुरुवात भएको थियो भने यो अबको केही दिन सम्म जारी रहने छ। उद्घाटन सत्रमा विभिन्न खेलकर्मी, समाजसेवी, विद्यालय व्यवस्थापन समितिका सदस्यहरु आदिको बाक्लो उपस्थिती रहेक्प थियो।
यश क्लबले आफ्नो स्थापना कालदेखी नै विभिन्न कार्यक्रम गर्दै युवा तथा खेलकुदको क्षेत्रमा उल्लेखनीय योगदान पुर्याउदै आएको छ।
