राष्ट्रिय युवा गैरसरकारी महासंघ नेपालले भोलि आफ्नो महाधिवेशन र साधारण सभा गर्ने भएको छ । युवाहरुलाई जागरुक गराउदै व्यक्तित्व विकास, राजनीती, पर्यावरण, ग्रामीण विकास आदिलाई नयाँ कोणबाट हेर्ने महाससंघको यो १० औं साधारणसभा हो भने चौथो महाधिवेशन हो।
विपद व्यवस्थापन, युवा रोजगारी, तालिम, जनचेतना विकास, पर्यटन प्रवर्द्धन जस्ता कार्यमा युवाको नतृत्वदायी भुमिका विकास गर्न सफल महासंघको भोलि साधारणसभा र अधिवेशन हुने भएको छ।
विगतको कार्यसमिती हेर्दा महासंघमा ९ सदस्यीय समिती रहेको छ। अध्यक्ष कमल सुवेदी , उपाध्यक्ष खिलनाथ लुईटेल, महासचिव दीपक कार्की, सचिव शशि शर्मा , प्रवक्ता राजु सुनार, कोषाध्यक्ष हेमन्त शरण वाग्ले, सह-कोषाध्यक्ष प्रदिप प्रसाद चौलागाई, सचिवालय सदस्यहरु शोभा घिमिरे र अबका सुवेदी रहेका छन।
भोलि हुने महाधिवेशनले नयाँ प्रतिनिधि चयन गर्ने निश्चित भएको खबर आएको छ। नयाँ नेतृत्वलाई साथ दिन कार्यसमिति पनि तैयार रहेको पाइएको छ।
अधिवेशन र साधारण सभाको कार्यक्रम भोलि बिहान ठिक ११ बजे सिलौटो कटेज , अनामनगरमा हुने भएको छ।
