नेपाल आयल निगमले इन्धनको मूल्य फेरि बढाएर हालसम्मकै उच्च बनाएको छ ।
शनिबार रातिदेखि लागु हुने गरी डिजेल, पेट्रोल र मट्टितेलको मूल्य लिटरमा ३ रुपैयाँले बढाएको निगमले खाना पकाउने ग्यास, तथा हवाइ इन्धनमा भने घाटा भएतापनि नबढाएको जनाएको छ ।
मूल्यवृद्धिपछि अब पेट्रोलको मूल्य लिटरमा १४५ रुपैयाँ पुगेको छ भने डिजेल र मट्टितेलको मूल्य १२८ रुपैयाँ पुगेको छ । निगमले यसअघि माघ १८ गते मूल्य बढाएको थियो ।
