श्रीलंकाको संसदमा बुधवार भएको राष्ट्रपति निर्वाचनमा रनिल विक्रमसिंघे विजयी भएका छन् । अन्तराष्ट्रिय सञ्चार माध्यमहरुका अनुसार विक्रमसिंघेले १३४ भोट पाएर विजय हासिल गरेका हुन् ।
संसद्का सभामुख महिन्दा अभयवर्दनेले राष्ट्रपति पदमा विक्रमसिंघे विजयी भएको घोषणा गरेका छन् । विक्रमसिंघेका प्रतिस्पर्धी दुल्लास अल्लाहपेरुमेले ८२ भोट ल्याए भने अर्का उम्मेदवार अनुरा कुमारा दिस्सानायकेले ३ भोट मात्र पाए ।
पूर्व राष्ट्रपति गोटाबाया राजपक्षको दल एसएलपीपीका सांसदहरूले विक्रमसिंघेलाई मत दिएकाले उनी विजयी भएका हुन् । विक्रमसिंघे राजपक्ष परिवारका निकट मानिन्छन् । यसअघि उनले प्रधानमन्त्री तथा कार्यवाहक राष्ट्रपतिको भूमिका निर्वाह गरिसकेका छन् ।
