बिहीबारको शेयर बजार झन्डै ५९ अंकले घटेको छ । साताको अन्तिम दिन बजार परिसूचक ५८.९९ अंकले घटेर २ हजार ६ सय ६१ दशमलव ४४ अंकमा सीमित भएको हो ।
आज बजारमा १ सय ८५ कम्पनीको शेयर घटेको छ भने ६ वटा कम्पनीको शेयरमूल्य बढेको छ । सबैभन्दा बढी वृद्धि हिमालयन जनरल इन्स्योरेन्सको भएको छ । आज बजारमा सबैभन्दा बढी फाइनान्स समूहको मूल्य ३ प्रतिशतले घटेको छ ।
बुधबार एकीकृत निर्देशनमा संशोधन गर्दै राष्ट्र बैंकले शेयर कर्जा तथा अन्य व्यक्तिगत तथा अनुत्पादक क्षेत्रका कर्जामा जोखिम भारको सीमा बढाएपछि यसको प्रत्यक्ष असर बजारमा देखिएको हो । सोही कारण मूल्य घटेको हो ।
यसले कर्जाको ब्याज महँगो बनाउने र बैंक तथा वित्तीय संस्थाको प्रोभिजनिङ बढी नाफा घट्ने अनुमान गरिएको छ ।
