फोर आइज न्युज
बिहिबार, चैत्र २०, २०८१
  • होमपेज
  • एमसीसी विषयमा गठबन्धनका आबद्ध दलहरुबीच छलफल हुने तयारी

एमसीसी विषयमा गठबन्धनका आबद्ध दलहरुबीच छलफल हुने तयारी

एमसीसी विषयमा गठबन्धनका आबद्ध दलहरुबीच छलफल हुने तयारी

अमेरिकी सहायता एमसीसीबारे ‘निर्णायक’ छलफलका लागि भन्दै सत्ता गठबन्धनको बैठक पनि बस्दै छ । आज दिउँसो ३ बजेका लागि बोलाइएको बैठकमा एमसीसी संसदमा प्रस्तुत गर्ने या नगर्ने, पक्षमा उभिने या विपक्षमा भन्ने विषयमा गठबन्धनका आबद्ध दलहरुबीच छलफल हुनेछ ।

यसअघि सरकारले बुधबार नै संसदमा एमसीसी प्रस्तुत गर्ने तयारी गरेको थियो । तर गठबन्धनमा आबद्ध नेकपा माओवादी केन्द्र र एकीकृत समाजवादीले प्रस्ट निर्णय नदिँदा कांग्रेस पनि अन्यौलमा छ । बुधबार प्रधानमन्त्री निवास बालुवाटारमा माओवादी केन्द्रका अध्यक्ष पुष्पकमल दाहाल प्रचण्ड र प्रधानमन्त्री एवं कांगेस सभापति शेरबहादुर देउवाबीच छलफल भएर गठबन्धनको बैठक बोलाउने गरेका थिए ।

सुरूदेखि नै एमसीसीको विरोध गर्दै आएको माओवादीले यथास्थितिमा एमसीसी संसदमा लैजाने भए आफू विपक्षमा मतदान गर्ने र सरकारबाटै बाहिरिने चेतावनी दिएपछि प्रधानमन्त्री देउवा समेत बुधबार एमसीसी प्रस्तुत नगर्ने पक्षमा पुगेका थिए । आज गठबन्धनमा थप छलफल गरेर ठोस गर्ने बताइएको छ ।

गठबन्धनकै अर्को मुख्य दल नेकपा एकीकृत समाजवादी र सानो दल राष्ट्रिय जनमोर्चा पनि एमसीसीको विरोधमा छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका