प्युठानको गौमुख गाउँपालिकास्थित ओखरपाटामा जिप दुर्घटना हुँदा ६ जनाको मृत्यु भएको छ।
बेहुली लिएर फर्किंदै गरेको ग१ज ५०९२ नम्बरको जिप दुर्घटना भएको हो। दुर्घटनामा ७ जना घाइते भएको डीएसपी सत्यनारायण थापाले जानकारी दिए। मृतक र घाइतेको सनाखत भइसकेको छैन।
जिप नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्किंदै गर्दा शनिबार बिहान ३ बजे दुर्घटना भएको हो। सदरमुकामभन्दा टाढा भएकोले घटनाको सबै विवरण आइनसकेको प्रहरीले बताएको छ।
घाइतेहरूलाई जिल्ला अस्पताल लगिएको छ। घाइतेमध्ये धेरैको अवस्था चिन्ताजनक रहेको बताइएको छ।
