न्युजील्याण्डको आवासीय भिसा प्राप्त गर्नेमा नेपालीहरु १२ औं स्थानमा रहेका छन् । न्युजील्याण्ड सरकारको अध्यागमन विभागमा संकलित तथ्यांक अनुसार सन् २०२१ जुलाई देखि २०२२ जुनसम्मको अवधिमा ११७९ जना नेपालीले आवासीय भिसा प्राप्त गरेका हुन् । यो बीचमा १४३ देशका नागरिकहरु मध्ये ८६ हजार १६० जनाले न्युजील्याण्डको आवासीय भिसा प्राप्त गरेका छन् । जसमा आवासीय भिसा पाउनेको संख्या सबैभन्दा धेरै भारतीय छन् । भारतीय नागरिक २० हजार १४८ जनाले आवासीय भिसा प्राप्त गरेका छन् भने दोस्रोमा फिलिपिन्सका १३ हजार ८६६ जनाले पाएका छन् । यस्तै तेश्रोमा दक्षिण अफ्रिका १० हजार ३१४ तथा चौथोमा चीनका ७ हजार ४३७ जनाले यस्तो भिसा पाएका छन् । यस्तै पाँचौंमा बेलायतका ४ हजार ९३२ जनाले आवासीय भिसा पाएका छन् ।
