डाक्टर नवराज प्रधानको नयाँ गीत ’ठुली’ रिलिज भएको छ । ओएसआर डिजिटलको युट्युब च्यानलबाट सार्वजनिक गीतमा शब्द, सङ्गीत र स्वर डा. प्रधानकै छ । गीतको सङ्गीत संयोजन कालिप्रसाद बास्कोटाले गरेका हुन् ।
गीतको भिडियो पनि बनेको छ । जसमा अभिनेता गौरव पहारी र अभिनेत्री श्रद्धा क्षेत्री फिचर्ड छन् । प्रेमी–प्रेमिकाको भूमिकामा यी दुई भिडियोमा देखाइएको छ । परिवारका कारण प्रेम सम्बन्धमा आउने उतारचढावको कथा भिडियोले देखाउन खोजेको छ ।
गौरव र श्रद्धाका अलावा भिडियोमा निर्मल शर्मा, राम बहादुर अधिकारी लगायतका कलाकारको समेत अभिनय देख्न सकिन्छ । गौतमराज खड्काको निर्देशन रहेको भिडियोमा सौरभ लामाको छायाङ्कन र गौतमराज खड्काको सम्पादन छ ।