देशका विभिन्न भागमा दलितहरुमाथि भएको दुर्व्यवहार र अत्याचारका घटनाका सन्दर्भमा चासो व्यक्त गर्दै मानव अधिकार तथा शान्ति समाजले जातिय छुवाछुत विरुद्ध सामाजिक अभियानलाई देशव्यापी रुपमा सचालन गरिरहेको पृष्ठभुमिमा मानव अधिकार तथा शान्ति समाज काठमाडौ शाखाले आज शान्ति स्तूप बौद्धनाथ अगाडि एक प्रदर्सनीको आयोजना गरेको छ ।
जातीय भेदभाव अन्त्य गरौ , मानव अधिकारको सम्मान गरौं, दलित अधिकार , मानव अधिकार,दलित विभेदको अन्त्य , मानव अधिकारको गन्तव्य, सबैका लागि सबै मानव अधिकार जस्ता नारा लेखिएका प्लेकार्ड सहित ६० जना भन्दा ज्यादा अधिकारकर्मीले प्रदर्शन गरेका थिए ।
कार्यक्रममा शान्ति समाजका केन्द्रिय सभापति रामकृष्ण बराल, सल्लाहकार उत्तम पुडासैनी, पुर्ब सभापति होमकान्त चौलागाईं, दलित अधिकारकर्मी राजु सुनार, कमला नेपाली तथा सामाजिक अभियान्ता श्रीराम चालिसेले दलित अधिकारको सम्मान गर्न आग्रह गरेका थिए । कार्यक्रम सचालन शाखा सभापति भगवान पुडासैनीले गर्नु भएको थियो ।
