बिहिबार, चैत्र २०, २०८१
मेरो आवाज अझै सुकेका छैनन।
-
- आइतवार, असार ३१, २०८०
म दलिएको पेलिएको उखुको लाङ्ग्रा।
खोस्टा बनाएउ हे समाज मन दुखेका छैनन।
तिमी पानी माथिको ओभानो बन मेरो मुद्दामा।
मेरो आवाज अझै सुकेका छैनन।।
पलपल थेचार्यौ विभेदको सिलौटोमा।
पोलिएका सम्मान अझै झुकेका छैनन।।
म इन्द्रेणी झै उदाउनेछु तिम्रो युग पछि।
मेरो आवाज अझै सुकेका छैनन।।
म अधिकारको दौडमा लङ्गडो योद्दा।
पिडाको सागर बग्ने चक्छ्यु रुकेका छैनन।।
हेर त नजिक छ आशाको किरण।
मेरो आवाज अझै सुकेका छैनन।।
म नाङ्गाको आङ र भोकाको पेट बन्दै हिंडे।
मेरो खमिर बिनाको रोटो फुकेका छैनन।।
सक्छौ गर्दन उखाड कोतपर्व मनाउ।
किनकी मेरो आवाज अझै सुकेका छैनन।।
राजु सुनार
केन्द्रीय अध्यक्ष
नेपाल दलित विद्यार्थी संघ
ट्रेन्डिङ
सम्बन्धित खवर
