मुगु जिल्लाको सोरु गाउँपालिकाको तारापानी सिप र सोरुकोट जोड्ने बेलिब्रिज निर्माण एक वर्ष सञ्चालन भएसँगै बन्द भएको छ ।
निर्माण सम्पन्न भएको एक वर्ष बितिसक्दा पनि गाउँपालिकाले रकम भुक्तानी नगर्दा निर्माण कम्पनीले पुल बन्द गरेको हो । बेलिब्रिज निर्माणका लागि गाँउपालिका र निर्माण कम्पनी कम्पनीबीच भएको सम्झौता अनुसार तोकिएको समयमै निर्माण सम्पन्न भएपनि गाउँपालिकाल भुक्तानी नगर्दा निर्माण कम्पनीले पुल बन्द गराएको हो ।
पुल निर्माणका लागि पालिकासँग ३ करोड ३७ लाख ९ हजार रुपैयाँमा सम्झौता भएको थियो । तर अन्तिम किस्ता भुक्तानीमा चासो नेदखाएको भन्दै पुलको आवागमन बन्द गरिएको निर्माण कम्पनीका सञ्चालक बखतबहादुर मल्लले बताए ।
यता गाउँपालिका अध्यक्ष लोकबहादुर शाहीले गाउँसभा ढिलो भएकाले भुक्तानी रोकिएको बताए र उनले सहमति अनुसार नै निर्माण सम्पन्न गरेको ठेकेदार कम्पनीलाई चाँडै नै अन्तिम किस्ता रकम भुक्तानी गरिने बताए । पुल बन्द भएसँगै गमगढी सोरुकोटसम्म सञ्चालनमा आएका सडक यातायात समेत अवरुद्ध हुँदा स्थानीयको दैनिकी कष्टकर भएको छ ।
