गोकर्णेश्वोर नगरपालिकास्थित चक्र मेमोरियल पाठशालाका विद्यार्थीहरुलाई आज सरस्वती पुजाका दिन ज्याकेट वितरण भएको छ। गोकर्णेश्वोर नगरपालिकाका नगर प्रमुख शन्तोष चालिसेको प्रमुख आतिथ्यतामा सम्पन्न उक्त कार्यक्रममा सरस्वती पुजा सङ्गसङ्गै नयाँ भर्ना भएका विद्यार्थीहरुलाई जाडो महिनाको लागि एक-एक थान ज्याकेट समेत प्रदान गरिएको छ। नेपाली कांग्रेसका प्रभावशाली नेता चक्र बहादुर ठकुरीको स्मृतिमा स्थापित उक्त विद्यालयमा करिब १०० हाराहारिका विद्यार्थी हरु छन भने उक्त विद्यालयलाई गोकर्णेश्वोर नगरपालिकाले वार्षिक रुपमा आर्थिक सहयोग गर्दै आएको छ। कार्यक्रममा विद्यालयका सस्थापक राजु सुनार , अध्यक्ष कुमार राज सुवेदि, नगर प्रमुख सन्तोष चालिसे, वडा अध्यक्ष मनोज ढुङ्गाना, अभिभावक, शिक्षक लगायत विभिन्न समाजसेवीहरुको उपस्थिती रहेको थियो। कार्यक्रममा सन्स्थापक अध्यक्ष तथा युवा समाजसेवी राजु सुनार ज्युले उक्त पाठशालालाई हर्दम चलायमान बनाउन चाहिने हरेक विषयमा साथ, सहयोग र सहकार्य गर्ने प्रतिवद्दता व्यक्त गर्नुभयो भने नगर प्रमुख सन्तोष चालिसे ज्युले आउने दिनमा पाठशालाको आफ्नै भवन निर्माणको लागि पहल गर्ने आश्वासन पनि दिनुभयो।