काठमाडौ महानगरपालिकाको दिनदिनैको अनाधिकृत संरचना भत्काउने, नक्सा पास नभएका भवनमा डोजर चलाउने, पार्किङ्ग बिस्तृत गर्ने र व्यवस्थित महानगर बनाउने क्रम चलिरहेको बेला गोकर्णेश्वोर नगरपालिका -५ र ६ ले पनि उक्त कार्यको थालनी गरेको छ।
वडा न.०५ र ०६ भित्र पार्किङ्गलाई सहज बनाउने, फूटपाथ व्यवस्थापन गर्ने, फूटपाथ व्यवसायीको अतिवादित्व अन्त्य गर्न र कानुन बमोजिम र मापदण्ड अनुरुपका संरचना यथावत राखी अनाधिकृत संरचना भत्काउने कार्य सुरु भएको छ।
यश कार्यको थालनी गर्न अघि जनप्रतिनिधि, ट्राफिक प्रहरी, यातायात व्यवसायी तथा सरोकारवालासङ्ग समेत अगावै छलफल भैसकेको थियो र सोही बमोजिम वडाले सुचना समेत प्रवाह गरेको थियो।
सुचनाको अवग्या गर्ने, आदेश नटेर्ने फूटपाथ व्यवसायी र संरचना आज बिहन देखिनै गोकर्णेश्वोर नगर प्रहरी, जनप्रतिनिधी तथा प्राविधिक टोलिको उपस्थितिमा हटाइदै छ।
वडा कार्यलयको ठिक अगाडि रहेको सिटिजेन बैंकले आदेश अटेर गरेको कारणले अगाडिको अनाधिकृत संरचनामा डोजर लगाएको छ।
वडा अध्यक्ष नवराज लामाले बताए,” हामीले यो अभियान पूर्व सुचना प्रकाशित गरेर नै गरेका हौं । अट्टेर गर्ने कसैलाई पनि छोडिदैन”
त्यसैगरी गोकर्णेश्वोर-५ का वडा अध्यक्ष भन्छन, ” नगर व्यवस्थित बनाउन यो ढिला चाडो सुरु हुन नै पर्दथ्यो। हामीले सुरु गरेका छौं । अन्य वडाले पनि सिक्नुपर्छ जस्तो लाग्छ”
गोकर्णेश्वोर नगरपालिकाले व्यवसायीहरुले आफ्नो व्यवसायको लागि तोकिएका क्षेत्र बाहेक राखिएका होडिङ्ग बोर्ड, पोलमा राखिएका विग्यापनका फ्लेक्सहरु तथा अनाधिकृत संरचनाहरु हटाईरहेको छ।
