विश्वकप फिफाका अध्यक्ष जियानी इन्फान्टिनोले विश्वकपमा १६ समूह बनाएर ४८ देशलाई खेलाउने योजना सार्वजनिक गरे लगतै म्यानचेष्टर सिटीका प्रशिक्षक पेप ग्वार्डिओलाले त्यसको विरोध गरेका छन् ।
विश्वकपमा ३२ टिमबाट बढाएर ४८ टिम खेलाउने फिफा अध्यक्षको योजनाको विपक्षमा प्रशिक्षक पोप उभिएका हुन । यस कदमले खेलको स्तर खस्कनुका साथै खेलाडीहरुलाई खेलप्रति नकारात्मक असर पर्ने उनको टिप्पणी छ ।
बार्सिलोना र बार्यन म्युनिखका पूर्व प्रशिक्षक समेत रहेका पेपले भने, यो इंग्लिस फुटबलको मात्र कुरा होइन, विश्वभरकै हो ।
यदि खेल ४८ टिममा खेलाएका खेलाडीहरुले आराम कुनै समय नै नहुने उनको तर्क छ । म खेलाडीहरुको बारेमा सोचिरहेको छु । खेलाडीहरुले ब्रेक लिन पाउनुपर्छ उनीहरुलाई आरामको आवश्यकता हुन्छ जसले गर्दा यो सम्भव छैन । उनले थपे ।
उनले क्लबहरुले खेलाडीमाथि ठूलो रकम खर्चिएको भन्दै तीनको सटो अब ५/६ खेलाडी सब्सिच्युट गर्न पाउनु पर्ने बताए ।
