फोर आइज न्युज
बिहिबार, चैत्र २०, २०८१
  • होमपेज
  • चार देशीय महिला टी–२० शृङ्खलामा आज नेपालले घरेलु टोली मलेसिया खेल्दै

चार देशीय महिला टी–२० शृङ्खलामा आज नेपालले घरेलु टोली मलेसिया खेल्दै

चार देशीय महिला टी–२० शृङ्खलामा आज नेपालले घरेलु टोली मलेसिया खेल्दै

चार देशीय महिला टी–२० शृङ्खलामा नेपालले आज घरेलु टोली मलेसियासँग खेल्दैछ । मलेसिया र नेपालबीचको खेल नेपाली समय अनुसार बिहान पौने १२ बजे बायोमास ओभलमा शुरु हुनेछ ।

आईसीसी महिला टी–२० विश्व कपको एसिया क्षेत्र छनोट अघि नेपाल, मलेसिया, हङकङ र कुवेतले यो शृङ्खला खेलिरहेका छन् । नेपालले शृङ्खलाको पहिलो खेलमा हङकङ र दोस्रो खेलमा कुवेतलाई हराएको थियो । आज घरेलु टोलीलाई हराउन सकेमा नेपाल अपराजित रहँदै शीर्ष स्थानमा रहेर फाइनल खेल्नेछ ।

शीर्ष दुई टोलीबीच फाइनल खेल भोलि हुनेछ । पुछारमा रहने दुई टोलीले पनि तेस्रो र चौथो स्थानको लागि खेल्नेछन् । त्यसपछि नेपालले थाइल्यान्डसँग अभ्यास खेल खेल्नेछ । नेपालले एसिया क्षेत्र छनोटका खेल मलेसियामा नै खेल्नेछ ।

नेपाल रहेको समूह ‘ए’ मा यूएई, कतार, मलेसिया, भुटान र बहराइन छन् । समूह ‘बी’ मा चीन, हङकङ, कुवेत, म्यानमार र थाइल्यान्ड छन् ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका