साताको पहिलो कारोबार दिन नेप्सेले ‘सेज्चरी’ मारेको छ। यस दिन नेप्से परिसूचक १०१.०७ अंक बढ़ेर २६६७.९७ विन्दुमा पुगेको छ।
त्यसैगरी, यस दिन सेन्सेटिभ इण्डेक्स १६.३७ अंक बढेको छ भने पल्लोट इण्डेक्स ६.७४ अंक र सेन्सेटिभ फ्लोट इण्डेक्स ५.१७ अंक बढ़ेको छ। नेप्सेसँगै यस दिन कारोबार रकम पनि बढ़ेको छ। यस दिन २२८ स्टकको ६४ हजार ६३५ पटकको कारोबारमा ४ अर्ब ८७ करोड ७ लाख १५ हजार रुपैयाँ बराबरको ९० लाख २२ हजार कित्ता शेयर खरिदबिक्री भएको छ। यस दिनको कारोबार रकम नेप्सेको २० दिने औषत भोल्यूमभन्दा बढ़ी हो। नेप्सेको वृद्धिलाई भोल्यूमले साथ दिएका कारण लगानीकर्ताहरु उत्साहित देखिन्छन्। आइतबार ५ उपसमूहको परिसूचक सकारात्मक सर्किट लभेलमा कारोबार भएको छ। यस दिन ज्योति लाइफ इन्स्योरेन्स, एशियन लाइफ इन्स्योरेन्स, सानिमा लाइफ इन्स्योरेन्स, कर्पोरेट डेभलपमेन्ट बैंक र इमर्जिङ्ग नेपालको शेयरमूल्य सकारात्मक सर्किट लेभलमा कारोबार भएको छ। त्यसैगरी, यस दिन राष्ट्रियि बीमा कम्पनीको संस्थापक शेयर, सूर्या लाइफ इन्स्योरेन्स र मञ्जुश्री फाइनान्सको शेयरमूल्य ९ प्रतिशतभन्दा बढ़ी बढ़ेको छ। यस दिन १३ स्टकको मूल्य मात्र घटेको छ जसमध्ये अधिकांश ऋणपत्र र म्युचुअल फण्ड रहेका छन।

यस दिन श३ वटै उपसमूहको परिसूचक बढ़ेका छन्। जसमध्ये जीवन बीमा उपसमूहको परिसूचक सर्वाधिक ६.९५ प्रतिशत बढ़ेको छ। त्यस्तै, यस दिन होटल तथा पर्यटन, वित्त र उत्पादन तथा प्रशोधन उपसमूहको परिसूचक ५ प्रतिशतभन्दा बढ़ी बढ़ेको छ भने व्यापार, विकास बैंक, निर्जीवन बीमा र लगानी उपसमूहको परिसूचक ४ प्रतिशतभन्दा बढी बढेका छन्। कारोबार रकमका आधारमा यस दिन शिवम् सिमेन्ट्स शीर्ष स्थानमा रहेको छ। सो कम्पनीको यस दिन ३४ करोड ३६ लाख रुपैयाँ बराबरको शेयर खरिदबि्री भएको छ। त्यसैगरी, यस दिन अपि पावरको ३० करोडभन्दा बढीको शेयर कारोबार भएको छ भने आईसीएफसी फाइनान्सको २१ करोडभन्दा बढीको शेयर किनबेच भएको छ।