हेटौंडा — त्रिभुवन राजपथको थाहा नगरपालिका–३ मा भएको बस दुर्घटनामा थप एक पैदलयात्रीको मृत्यु भएको छ । मृत्यु हुनेमा सिराहा औराही नगरपालिका ३३ वर्ष रघुनन्दन यादव रहेका छन् । उनको काठमाडौंस्थित ट्रमा सेन्टरमा उपचारको क्रममा सोमबार राति मृत्यु भएको हो ।
उनको मृत्यु भएसँगै बस ब्रेक फेल भएर मृत्यु हुनेको संख्या तीन पुगेको छ । तीन जना घाइते भएका छन् । एक घाइतेको काठमाडौंमा उपचार भइरहेको छ । दुई जनाको प्राथमिक स्वास्थ्य केन्द्र पालुङमा उपचार भइरहेको जिल्ला प्रहरी कार्यालय मकवानपुरले जनाएको छ ।
बसको टक्करबाट मृत्यु हुनेमा थाहा नगरपालिका—९ का ३४ वर्षीय कृष्ण बलामी, सप्तरी विष्णुपुर—५ लोकेन्द्रकुमार ठाकुर र सिराहा औराही नगरपालिकाका ३३ वर्ष रघुनन्दन यादव रहेका छन् । ठाकुर र यादव थाहा नगरपालिका झम्केश्वरी माविका शिक्षक हुन् । बलामी र ठाकुरको प्राथमिक स्वास्थ्य केन्द्र पालुङमा उपचारका क्रममा मृत्यु भएको थियो ।
घाइते कमलेश कुमार साहको काठमाडौंमा उपचार भइरहेको छ । बारा जितपुर सिमराका ३२ वर्षीय छेयाङ दोर्ज लामा र बारा कोल्बिका ३० वर्षीय रामगुलाम चौधरी घाइते भएका छन् । चौधरी र लामाको प्राथमिक स्वास्थ्य केन्द्र पालुङमा उपचार भइरहेको छ । मृतक तीन जना र घाइते तीन जना पैदलयात्री हुन् ।
थाहा नगरपालिका—३ शिखरकोट बजारबाट थानाबजारतर्फ जाँदै गरेको बा ३ ख ५९९० नम्बरको बसको ब्रेक फेल हुँदा सडकमा हिँडिरहेका ६ जनालाई ठक्कर दिई थाहा नगरपालिकाको उप–मेयर भरत गोपालीको घरभित्र बस पसेको थियो । बस चालक मकवानपुर थाहा नगरपालिका—५ बसन्त २९ वर्षीय राजेश कार्की प्रहरी नियन्त्रणमा रहेका छन् ।
बसको टक्करबाट मृत्यु हुनेमा थाहा नगरपालिका—९ का ३४ वर्षीय कृष्ण बलामी, सप्तरी विष्णुपुर—५ लोकेन्द्रकुमार ठाकुर र सिराहा औराही नगरपालिकाका ३३ वर्ष रघुनन्दन यादव रहेका छन् । ठाकुर र यादव थाहा नगरपालिका झम्केश्वरी माविका शिक्षक हुन् । बलामी र ठाकुरको प्राथमिक स्वास्थ्य केन्द्र पालुङमा उपचारका क्रममा मृत्यु भएको थियो ।
