जनवरीमा ६, फेब्रुअरीमा २०, मार्चमा १ नेपाली अमेरिकाबाट फिर्ता
पानामा हुँदै अमेरिका जान खोजेका ३ नेपाली डिपोर्ट
जो बाइडेनको कार्यकालमा ९ हजार नेपाली अवैधानिक रूपमा अमेरिका प्रवेश
तीमध्ये २,८०८ नेपाली अमेरिकी आइस हिरासतमा
काठमाडौँ — आधिकारिक कागजातविहीन आप्रवासीलाई अमेरिकाबाट निष्कासन गर्ने नीति लिएको ट्रम्प प्रशासनले १० नेपालीलाई चार्टर विमानबाट नेपाल पठाउँदै छ । उनीहरूलाई बुधबार बिहान काठमाडौं उतार्ने तालिका छ । ट्रम्पको कार्यकारी आदेशपछि यसअघि नै २७ नेपालीलाई अमेरिकाबाट निकाला गरिसकिएको छ ।
अमेरिकामा अवैधानिक रूपमा रहेका १० नेपालीलाई आज काठमाडौं ल्याइँदै छ। ती नेपालीलाई अमेरिकी अध्यागमन अधिकारीहरूले पक्राउ गरी फिर्ता पठाउने निर्णय गरेका थिए। उनीहरूलाई अमेरिका सरकारले चार्टर गरेको विमानमार्फत काठमाडौं ल्याइने छ। नेपाली अधिकारीहरूका अनुसार फिर्ता गरिएका व्यक्तिहरू अध्यागमनसम्बन्धी कागजातविहीन भएकाले उनीहरूलाई आवश्यक कानुनी प्रक्रिया पूरा गरी नेपाल प्रवेश गराइने छ। यसअघि पनि अमेरिका लगायतका देशबाट नेपाली नागरिकहरूलाई डिपोर्ट गरिँदै आएको छ।
