दक्षिण भारतीय अभिनेता नागा चैतन्य अक्किनोकीले अभिनेत्री सामन्था रुथ प्रभुसँग ईन्गेजमेन्ट गरेका छन् । नागा दक्षिण भारतका सुपरस्टार नागार्जुनका छोरा हुन् ।
उनीहरुको ईन्गेजमेन्टको चाखलाग्दो कुरा के भने सात वर्ष पहिलेको आफ्नै सिनेमा ‘ये माया चेसवे’कै स्टाईलमा एकअर्कालाई औँठी लगाईदिएका छन् । उनीहरु यो सिनेमामा पनि प्रेमी प्रेमिकाको भूमिकामा थिए । यो सिनेमा सामान्थाको डेब्यु सिनेमा थियो ।
बिगत ८ वर्षदेखि नागालार्ई डेट गरिरहेकी सामान्थाले गत वर्ष मात्रै उनीसँगको सम्बन्धलाई आधिकारिक रुपमा स्वीकार गरेकी थिईन् । केही समय अघि मात्रै एक अन्र्तवार्तामा सामन्थाले सिनेमा उद्योगमा आएपछि पहिलो साथी नै नागा भएको बताएकी थिईन् । छोटो समयमै एकअर्काको मिल्ने साथी भएका उनीहरु अब जीवन साथी नै हुने भएका छन् ।
२९ वर्षिय सामन्था दक्षिण भारतकी व्यवसायिक रुपमा सफल अभिनेत्री हुन् । २०१० मा सिनेमा ‘ये माया चेसवे’बाट ब्रेक लिएकी उनले छोटो समयमै सफलता पाएकी हुन् । उनले तीन दर्जन सिनेमामा काम गरिसकेकी छिन् ।
सामन्थासँग तुलना गरेर हेर्दा नागाको फिल्मी करिअर उनको जति सफल देखिँदैन । तर बुबा नागार्जुनका कारण उनको स्टारडम राम्रै छ । नागाले दक्षिण भारतका एक दर्जन भन्दा बढी सिनेमामा काम गरेका छन् ।
