आईतवार साँझ जोरपाटी चोकमा मूल्यवृद्धि विरुद्ध प्रदर्शन भएको छ । पिडित नागरिकका तर्फबाट जोरपाटी चोकमा आकाशिँदो मुल्यवृद्धी नियन्त्रण र बजार अनुगमनको माग गर्दै सरकारका विरुद्ध प्रदर्शन भएको हो ।
प्रदर्शनकारीले विभिन्न नारा सहितको पर्चा बोकेर मुखमा पट्टि बाँधेर प्रदर्शन गरेका थिए । भ्रष्टाचार, कालोबजारी र कुशासनबाट नागरिक पिडित भएको भन्दै सरकारका विरुद्ध प्रदर्शन गरेका हुन् ।
प्रदर्शनकारीले दैनिक उपभोग्य वस्तु मूल्यवृद्धि नियन्त्रण गर्न माग गर्दै अनुगमनमा स्थानीय सरकार चुकेको बताएका छन् । पर्चामा प्रदर्शनकारीले मूल्यवृद्धि रोक्न नसकेकोमा सरकार कहाँ छ भन्दै प्रश्न गरेका छन् ।
मूल्यवृद्धि विरुद्धको जनआवाज भन्दै पिडित नागरिकका तर्फबाट प्रदर्शनकारीले मूल्यवृद्धि, कालोबजारी नदेखेको हुनाले देशमा सरकार भएको महशुष हुन नसकेको बताएका छन् ।
आधाघण्टासम्म भएको प्रदर्शनमा उनीहरुले अप्रत्याशित मुल्यबृद्धी नियन्त्रण र बजार अनुगमनको माग गर्दै सरकारका विरुद्ध प्रदर्शन गरेका थिए ।
कार्यक्रममा सामाजिक अभियन्ताहरु कुमारराज सुवेदी, कुमार घिमिरे, शम्भू प्रसाद अधिकारी, राजु सुनार, राजेश दाहाल, उद्धब सुवेदी, आदर्श क्षेत्री लगायतको उपस्थिती रहेको थियो ।
