प्रकाश सपुत अभिनित फिल्म ‘परदेशी–२’ को नयाँ गीत सार्वजनिक गरिएको छ । असोज २६ गतेबाट प्रदर्शनमा आउने फिल्मको ‘हिजो काम‘’बोलको गीतमा प्रशान्त तामाङको स्वर छ ।
सार्वजनिक गीतले परदेशिएका आम युवाको कथा वाचन गरेको छ । सतिश चापागाईँको शब्द रचना रहेको गीतमा बि।बि अनुरागीको संगीत र एरेन्ज रहेको गीतलाई श्याम श्वेत रसाईलीले मिक्सिङ गरेका हुन् । गीतमा मनछुने संवाद समेत समावेश छन् । गीतको लिरिकल भिडियोमा फिल्मका शीर्ष कलाकार दीलिप रायमाझी, प्रकाश सपूत र रमा थपलिया फिचर्ड छन्
नारायणी रायमाझी निर्देशित फिल्म ‘परदेशी२’मा प्रकाश र दीलिपसँगै प्रशान्त तामाङ, केकी अधिकारी, वर्षा शिवाकोटी, नीर शाह, रमा थपलिया, सबिन बास्तोता, देवेन्द्र बब्लु लगायतको अभिनय छ । गीतकार रमेश बिजीको लेखन रहेको फिल्मले उच्च शिक्षाका लागि विदेशिएका विद्यार्थीहरुको कथालाई ठाएको छ । नारायण इन्टरनेसनलको प्रस्तुति रहेको फिल्ममा राजेश बंशल र नारायण रायमाझीको संयुक्त निर्माण छ ।
