गोकर्णेश्वर नगरपालिका र जापानिज भाषा स्कुल संगठन नेपाल बीच जापानबाट ल्याइएका साकुराका विरुवा रोप्ने सम्झौतामा हस्क्षर भएको छ । सम्झौता पत्रमा हस्ताक्षर गर्ने कार्यमा पुडासैनी मैत्री समाजले संयोजन गरेको थियो ।
गोकर्णेश्वर नगरपालिकाको वडा नं–५ गोठाटार पुलदेखि पश्चिम बागमती करिडोर क्षेत्रमा सौन्दर्यीकरणका लागि जापानबाट ल्याइएका मेइयासिनो प्रजातिका ५० वटा साकुराका विरुवाहरु वृक्षारोपण गरी संरक्षण गर्ने सम्झौता भएको छ ।
नगरपालिकाले आफ्नो क्षेत्र भित्र पर्ने बागमती नदिको संरक्षण गर्न तथा नदि किनारमा वृक्षारोपण गरी सौन्दर्यीकरणका गर्नका लागि अधिकार सम्पन्न बागमती सभ्यता एकीकृत विकास समिति र सम्पन्न वागमती सभ्यता एकीकृत विकासबाट स्वीकृति एवम् अधिकार ल्याएको थियो ।
अधिकार आएसँगै नगरपालिकाले विभिन्न संस्थाहरुसँग द्विपक्षिय सम्झौता गर्दै नगर क्षेत्रको सौन्दर्य बढाउन लागेको नगर प्रमुख दिपक रिसालले बताएको छन् ।
