रामेछापमा भालुको आक्रमणबाट एक जना घाइते भएका छन् ।
शनिवार भालुको आक्रमणबाट उमाकुण्ड गाउँपालिका–२ का ४७ वर्षीय पासाङ शेर्पा घाइते भएको जिल्ला प्रहरी कार्यालय रामेछापले जनाएको छ। शेर्पालाई उमाकुण्ड गाउँपालिका–२ स्थित चित्रे पोखरी उर्गेन सामुदायिक बनमा चौँरी चराउने क्रममा भालुले आक्रमण गरी घाइते बनाएको प्रहरीको भनाइ छ ।
प्रहरीका अनुसार भालुको आक्रमणबाट घाइते भएका शेर्पालाई स्थानीय स्वास्थ्य चौकी बाम्तीमा सामान्य उपचार गरी थप उपचारको लागी काठमाडौँ पठाइएको छ ।
