विश्व हिन्दु महासंघ राष्ट्रिय कार्यसमितीको काठमाडौ जिल्ला अधिवेशन आज चावहिल स्थित a one party palace मा सम्पन्न भएको छ। उक्त कार्यक्रमको प्रमुख अथिति विश्व हिन्दू महासंघका केन्द्रीय अध्यक्ष डा. रामचन्द्र अधिकारी रहनुभएको थियो यस्का साथसाथै यस कार्यक्रमका विशिष्ट अतिथि नेपाली कांग्रेस बागमती प्रदेशका महामन्त्री राजु श्रेष्ठ, गोकर्णेश्वर नगरपालिकाका प्रमुख दीपक रिसाल , सहित विभिन्न संघसंस्थाबाट पाल्नु भएका अतिथिहरुको समेतको उपस्थिती रहेको थियो। विश्व हिन्दु महासंघ, काठमाडौ जिल्ला सभापति रेखा अर्याल ज्युले यस कार्यक्रमको सभापतीत्व ग्रहण गर्नुभएको थियो भने आजको यस कार्यक्रम सञ्चालक विश्वहिन्दु महासंघ काठमाडौँ जिल्लाका सचिव राजु सुनारले गर्नु भएको थियो।
आज यस जिल्ला अधिवेशनमा काठमाडौ जिल्लाका विभिन्न नगरपालिकासहित महानगरपालिकामा आफ्नो नगर कार्यसमिति बिस्तार भइ सम्पुर्ण पदाधिकारी हरुलाई टीका माला लगाई स्वागत सँगसँगै बधाई ज्ञापन समेत गरिएको थियो। यस कार्यक्रममा उपस्थित विभिन्न वक्ताहरुले आआफ्नो भनाइ प्रस्तुत गरी विश्वहिन्दु महासंघ कसरी अगाडि लैजान सकिन्छ भन्ने कुरामा समस्त व्यक्तित्वहरुले जोड दिनु भएको थिए।
आफ्ना भनाइ राख्ने क्रममा विभिन्न वक्ताहरुले हिन्दुहरुले आफ्नो धर्म संस्कृति मान्यताहरू बिर्सिदै जादै, पश्चिमेली धर्मलाई आत्मसाथ गरेर अगाडि बढिरहेको कुरा समेत यहाँ प्रस्तुत गर्नुभएको थियो, त्यसैले पनि विश्व हिन्दू महासंघले पनि यस्ता कुरामा आफ्नो प्रभुत्वलाई अगाडि सार्दै हिन्दूहरूको आँफ्नो हिन्दू धर्म संस्कृति मान्यतालाई जोगाउनु पर्ने कुरामा समेत जोड दिनुभएको थियो। यस्का साथसाथै नेपाललाई हिन्दुराष्ट्र बनाउनका निम्ति समस्त हिन्दुहरुको एकजुट भएर अगाडि आउनुपर्ने कुरामा समेत जोड दिएका थिए।
