प्रजातन्त्र दिवसको अवसरमा सन्तनेता कृष्णप्रसाद भट्टराई किशुनजी प्रतिष्ठान गोकर्णेश्वर नगरपालिका वडा नम्बर 5 जोरपाटीको आयोजनामा सन्तनेता बिचार गोष्ठी एवम् सम्मान कार्यक्रम हुन गइरहेको छ। उक्त कार्यक्रमको प्रमुख अतिथि ओशो तपोवनका संस्थापक एवं आध्यात्मिक गुरु बोधिसत्व स्वामी आनन्द अरुण रहेको कुरा यस कार्यक्रमका संयोजक राजु श्रेष्ठले बताउनुभएको छ।
राष्ट्रिय सभागृहमा बिहानको ठीक १०:३० मा हुन गइरहेको कार्यक्रममा वक्ताको रुपमा डाक्टर जगमान गुरुङ ( नेपाल प्रज्ञा प्रतिष्ठानका पूर्व उपकुलपति एवं संस्कृति विद ),दिप कुमार उपाध्याय( पूर्व संस्कृति पर्यटन तथा नागरिक उड्यन मन्त्री तथा राजदूत), शरद सिङ भण्डारी(पूर्वमन्त्री एवं लोसपाका वरिष्ठ नेता) एवं युवराज घिमिरे (वरिष्ठ पत्रकार )रहेका छन् ।प्रजातन्त्र दिवस मनाउनका लागि सम्पूर्णलाई उपस्थितिका लागि निमन्त्रणा गरिएको छ।
