दोलखामा पहिरोमा परेर तीन वर्षका बालकको ज्यान गएको छ ।
पहिरोमा परेर तीन जना बेपत्ता भएका छन् भने अरू तीनजना घाइते भएका छन् ।
गौरीशङ्कर गाउँपालिका–७ टोपाटारमा गए राति पहिरो खस्दा तीन वर्षीय प्रिन्स थामीको ज्यान गएको प्रहरीले जनाएको छ । पहिरोमा परेर हरिलाल श्रेष्ठ, कृष्णबहादुर मगर र उहाँकी श्रीमती बेपत्ता भएका छन् । दुई जना घाइतेको अवस्था गम्भीर रहेकाले हेलिकोप्टरमार्फत उपचारका लागि काठमाडौँ ल्याइएको छ । एक जनाको भने दोलखामा नै उपचार भइरहेको छ ।
बेपत्ताको खोजी भइरहेको प्रमुख जिल्ला अधिकारी कमलप्रसाद धमलाले बताएका छन् ।
