कागेश्वरी मनहरा वडा नं ६ मा संचालित दिदि बचत तथा ऋण सहकारी संस्था लिमिटेडले आफ्नो संस्थाको तेस्रो बार्षिक साधारण सभा सम्पन्न गरेको छ ।हिजो शुक्रबार आफ्नै भवन दिदी फाउन्डेसन नजिकै गरिएको थियो ,उक्त संस्थाको तेस्रो बार्षिक साधारण सभा सम्पन्न भएको हो ।संस्थाका अध्यक्ष सुदिप कोइरालाको सभापतित्वमा शुक्रबार सम्पन्न साधारण सभाले सञ्चालक समितिको विभिन्न प्रस्ताव उपर छलफल गरी पारित गरेको छ । साधारण सभाले सञ्चालक समितिको तर्फबाट संस्थाका अध्यक्ष सुदिप कोइरालाले प्रस्तुत गरेको आर्थिक वर्ष २०७८/०७९ को वार्षिक प्रगती प्रतिवेदन, लेखा परिक्षण प्रतिवेदन, नीति तथा कार्यक्रम र बजेट पारित गरेको छ ।
उक्त बार्षिक साधारण सभाको प्रमुख अतिथिको रुपमा कागेश्वरी मनहरा नगरपालिका प्रमुख उपेन्द्र कार्की रहेका थिए भने बिशिष्ट अतिथिको रुपमा खगेन्द्र नवजीवन केन्द्रका अध्यक्ष सान्देन लामा तथा बिशेष अथिती भने कामनपा-६ र ८ का वडा अध्यक्ष प्रकाश फुयाल र हरिभक्त पुडासैनी सहित बिशेष ब्यक्तिहरु रहेका थिए भने दिदी बचत तथा ऋण सहकारी संस्थाका पदाधिकारी लगायत संस्थाका सेयर सदस्यहरुको बाक्लो उपस्थिति रहेको थियो। राष्ट्रियगान संगै सुरु भएको कार्यक्रममा प्रमुख अतिथिले दिप प्रज्वलन गरि सुभारम्भ गरेका थिए ।कार्यक्रममा दिदी बचत तथा ऋण सहकारी संस्थाका सदस्यले स्वागत मन्तब्य राखेको र कार्यक्रममा संस्थाका अध्यक्ष सुदिप कोइरालाले बार्षिक प्रगति प्रतिवेदन प्रस्तुत गरेका थिए।
उनले सिमित साधन र स्रोतलाइ उचित उपयोग गर्दै संस्थको बिगतको तुलनामा सो भूभागको सहकारी क्षेत्रमा उल्लेख्य उपलब्धि हासिल गरेको बताए । उनले सदस्यहरुको आवश्यकतालाइ सहजै पुरा गर्नको निम्ति विभिन्न् बचतका प्रकारहरु ल्याएर ऋण लगानी गर्न संस्था सफल भएको बताउदै बिगतमा वितरण गर्दै आएको मुनाफालाई निरन्तरता दिदै दुवै आर्थिक बर्षको उठ्नुपर्ने ब्याज बाट हिसाब मिलान गरि ७-१०% शेयर लाभांशलाइ शेयर बोनसको रुपमा वितरण गरिने पनि जानकारी गराएका थिए । २७०२३००.०० सेयर चुक्ता पुँजी रहेको संस्थाले ५५३६८३२.५० रुपैयाँ निक्षेप संकलन गर्न सफल भएको प्रतिवेदनमा उल्लेख छ । त्यस्तै संस्थाले ५३७२८५१.६१ कर्जा लगानी गर्न सफल भएको प्रतिबेदनमा उल्लेख गरिएको छ ।
कोषाध्यक्ष दिपक अछामीले कार्यक्रमको उदेश्य माथि प्रकाश पार्दै कोषाध्यक्षको प्रतिबेदन प्रस्तुत गरेका थिए ।उनले आजको प्रतिस्पर्धात्मक युगमा परस्पर एक अर्काको सहयोग र सहभागिता बिना उन्नति सम्रिद्दी तर्फ अग्रसर हुन नसकिने बताउदै उन्नति तर्फ अग्रसर हुन् ,सामाजिक विकास गर्न र सामुहिक उत्थानको लागि सहकारीको माध्यम अति उत्तम प्रमाणित भैसकेको बताए । संस्थालाई यहाँ सम्म ल्याउन बिगतको संचालक समितिको योगदान बर्तमान संचालक समितिको कार्यक्रम र क्रियाकलाप एबम सबै सदस्यहरुको सक्रियताले मुख्य भूमिका खेलेको बताए। उनले संस्थाका विविध गतिविधिको बारेमा जानकारी गराउदै भविष्यमा सो संस्थालाई थप प्रभावकारी रुपमा अघि बढाइने समेत बताए ।
कार्यक्रमकै दिन १ लाख बराबरको शेयर लिने शेयर सदस्यहरुलाई दोसल्ला ओढाएर सम्मानपत्र सहित सम्मान गरिएको थियो भने उत्कृष्ट बचतकर्ता, उद्यमीलाइ सम्मान गरिएको थियो । यसका साथ साथै यसै सहकारी सदस्यका अपांगता रहेका बाबुलाइ संस्थाले व्हील चेयर समेत प्रदान गरेका थिए । कार्यक्रममा समाजसेवीहरु, कामनपा-६ र ८ का वडा अध्यक्ष प्रकाश फुयाल र हरिभक्त पुडासैनी, खगेन्द्र नवजीवन केन्द्रका अध्यक्ष सान्देन लामा तथा प्रमुख अतिथि उपेन्द्र कार्कीले शुभकामना मन्तब्य राख्दै संस्थाको प्रगतिको कामना गरेका थिए उनीहरुले सहकारीको सिद्धान्त अनुसार सहकारी अगाडि बढ्दै उत्पादनशिल क्षेत्रसँगै सेवामुखी तथा उद्यमशिल्ताको क्षेत्रमा सहकारीलाग्नु पर्नेमा जोड दिएका थिए
यस संस्थाले ६/६ महिनामा संस्थाका सदस्यहरुलाइ निशुल्क स्वस्थ्य शिविर ,रु. ५० हजारभन्दा माथी शेयरमूल्य भएका सदस्यहरुलाइ निशुल्क जन्मदिन केक सहित यस संस्थाबाट संचालित दिदी बेकरीबाट उदपादित बेकरीमा १५% छुट्को समेत ब्यवस्था गरेको छ। संस्थाका शेयर सदस्री तथा सदस्यहरुलाइ दिदी भोकेसनल सेन्टरमा निशुल्क ब्युटि पार्लर , सिलाइ कटाइ, कम्प्युटर ,कुक तालिममा विशेष प्राथमिकता दिने समेत जानकारी गराएका छ्न।
शुरुका १५ जना महिलाहरूलाई १०% ब्याजमा सुल्भ कर्जा प्रदान गर्ने समेत सो कार्यक्रममा जानकारी दिएका थिए । यसका साथै समाज डेन्टल संगको सहकार्यमा सम्पुर्ण सदस्यहरुलाइ १५% छुट्को ब्यवस्था समेत गरेको छ।वार्षिक रुपमा निशुल्क चस्मा समेत वितरण गर्ने जानकारी दिएका थिए ।
२७०२३००.०० सेयर चुक्ता पुँजी रहेको संस्थाले ५५३६८३२.५० रुपैयाँ निक्षेप संकलन गर्न सफल भएको प्रतिवेदनमा उल्लेख छ । त्यस्तै संस्थाले ५३७२८५१.६१ कर्जा लगानी गर्न सफल भएको प्रतिबेदनमा उल्लेख गरिएको छ ।
