गोकर्णेश्वोर नगरपालिकाले आज जोरपाटी चोकका सुनचाँदी पसलहरुमा अनुगमन गरेको छ।
अनुगमनका क्रममा अधिकान्न्स पसलहरुमा, दर्तानविकरण, प्यान, नापतौल तथा बैंकको कारोबार इजाजत पत्र लगायतका महत्वपूर्ण कागजपत्रहरु भेटिएन।
अनुगमनमा टोलिमा प्रमुख प्रशाशकीय अधिकारी बैकुण्ठ प्रसाद साप्कोटा,नगर प्रवक्ता नारायण बहादुर सुवेदी, लेखा प्रमुख रामजी रायमाझी, जिन्सी साखा प्रमुख भुपेन्द्र बोहरा,आर्थिक प्रशाशन विभागबाट तुलसी आचार्य, राजस्व साखा प्रमुख महेश्वोर घिमिरे, बबिता भण्डारी , नगरप्रहरी रहेका थिए ।
टोलिले १ दर्जन पसलहरुमा अनुगमन गरि कागजपत्र नभएकाहरुलाई कागजपत्र तत्काल व्यवस्थापन गरि एक हप्ताभित्र नगरपालिकामा पेश गर्न निर्देशन दिएको थियो।
अनुगमनका क्रममा शुभ लक्ष्मी ज्वेलर्स, श्री लक्ष्मी ज्वेलर्स, बराल ज्वेलर्स, मा लक्ष्मी ज्वेलर्स, भिमेश्वोर सुनचाँदी पसल, साई कृष्ण ज्वेलर्स, कुशल गहना पसल, न्यु गृहलक्ष्मी सुनचाँदी पसल, हलेसी ज्वेलर्स लगायतका गरगहना पसलहरुमा नगरपालिकाले कागजपत्र खोजी गरेको थियो।
