गोकर्णेश्वोर नगरपालिकावडा न.०६ ले नयाबस्ती प्रहरी बृत्तलाई वडामा सि.सि. टिभी जडान गरि हस्तान्तरण गरेको छ।
गोकर्णेश्वोर-६ को तल्लो बेल्टमा पर्मे विभिन्न क्षेत्रमा १४ थान सि.सि. टिभी जडान गरिएको छ भने त्यसको निगरानी बृत्तलाई दिईएको छ।
वडाको सुरक्षा, अपराध नियन्त्रण तथा आपराधिक गतिविधी पहिचान गर्न यो कार्य वडा ले गरेको हो।
आज बिहान सम्पन्न उक्त कार्यक्रम नगरप्रमुख दिपक कुमार रिसाल, वडा प्रमुख नवराज लामा, बौद्ध बृत्तका प्रहरी नायब उपरिक्षक हरि बस्नेत ज्युको हातबाट उक्त क्यामेरा उद्घाटन गरिएको हो।
डि.एस.पी. हरि बस्नेतले अपराध नियन्त्रण, पहिचान र कारवाहिमा वडाको यो प्राविधी-मैत्री जिम्मेवारीको खुलेर प्रसंशा गर्दै वडा र नगरबाट हुने निर्माण सम्पन्नमा पनि स्थानीय सरकारले सि.सि. टिभी क्यामेरा अनिवार्य गर्नपर्ने प्रस्ताव राखे।
नगरप्रमुख दिपक रिसालले नगरपालिकाको सम्पूर्ण क्षेत्रमा सि.सि. टिभी जडान प्रक्रिया प्राथमिकतामा रहेको र दुई बर्ष भित्र यो योजना सम्पन्न हुने आश्वासन समेत दिनुभयो।
कार्यक्रम सभापती वडा अध्यक्ष नवराज लामाले जिर्ण नयाबस्ती प्रहरी बृत्त मर्मत तथा व्यवस्थापन गर्ने प्रतिवद्दता दिदै वडाका अन्य सम्भाव्य जोखिमयुक्त क्षेत्रमा पनि सि.सि. टिभी जडान गर्ने घोषणा गर्नुभयो।
कार्यक्रम राष्ट्रिय गानबाट सुरु भै उध्घाटन र मन्तव्यबाट समापन भएको थियो भने विभिन्न समाजसेवी, स्थानीय, वडा सदस्य, सरोकारवाला, भद्रभलाद्मी तथा पत्रकारहरुको उपस्थिती रह्यो।
