बागमती प्रदेशका युवा तथा खेलकुद मन्त्री माननीय रत्न ढकालको प्रमुख आतिथ्यतामा राष्ट्रिय युवा गैरसरकारी महासंघ नेपालले आफ्नो महाधिवेशन र साधारणसभा सम्पन्न गरेको छ । युवाहरुलाई जागरुक गराउदै व्यक्तित्व विकास, राजनीती, पर्यावरण, ग्रामीण विकास आदिलाई नयाँ कोणबाट हेर्ने महाससंघको यो १० औं साधारणसभा हो भने चौथो महाधिवेशन हो।
कार्यक्रममा महासंघका कोषाध्यक्षले आर्थिक तथा लेखापरीक्षण प्रतिवेदन पेश गर्दै वार्षिक खर्छ तथा आम्दानिका पारदर्शिता देखाए।
सम्पन्न अधिवेशनमा १९ सदस्यीय कार्यसमिती निर्वाचित र सर्वसहमत भएको थियो।विगतको कार्यसमिती हेर्दा महासंघमा ९ सदस्यीय समितमाअध्यक्ष कमल सुवेदी , उपाध्यक्ष खिलनाथ लुईटेल, महासचिव दीपक कार्की, सचिव शशि शर्मा , प्रवक्ता राजु सुनार, कोषाध्यक्ष हेमन्त शरण वाग्ले, सह-कोषाध्यक्ष प्रदिप प्रसाद चौलागाई, सचिवालय सदस्यहरु शोभा घिमिरे र अबका सुवेदी रहेका थिए ।
आज सम्पन्न अधिवेशनबाट सर्वसहमतिको आधारमा अध्यक्ष शशी कुमार शर्मा मजगैया, उपाध्यक्ष दिपक कार्की, महासचिव राजु सुनार र कोषाध्यक्ष प्रदिप प्रशाद चौलागाईं गरि १९ सदस्यीय नवनिर्मित र निर्वाचित कार्यसमिति रहेको छ।
विपद व्यवस्थापन, युवा रोजगारी, तालिम, जनचेतना विकास, पर्यटन प्रवर्द्धन जस्ता कार्यमा युवाको नतृत्वदायी भुमिका विकास गर्न सफल महासंघ भएको छ।
अधिवेशन र साधारण सभाको कार्यक्रम आज बिहान ठिक ११ बजे सिलौटो कटेज , अनामनगरमा भएको थियो।
