काठमाडौँ महानगरपालिकाको फोहोर बोकेर गएका गाडीलाई आज पनि बञ्चरेडाँडाका स्थानीयले रोकेका छन् । मंगलबार विहानैबाट उनीहरु सडकमा उत्रिएर गाडीहरु रोकेका छन् ।
उनीहरुले महानगर स्थानीयको माग प्रति गैरजिम्मेवार भएको भन्दै ‘५० हजार मान्छे मार्न खोजेको’ आरोप लगाएका छन् ।
साथै बञ्चरेडाँडाका स्थानीयहरुले प्रहरी र सवारी चालकलाई जबरजस्ती नगर्न माइकिङ गरेका छन् ।
माइकिङबाट प्रहरीलाई स्थानीयले झुटो मुद्दा खारेज गर्न र दमन रोक्न माग गरेका थिए।
माग पुरा नभए स्थिति मुठभेडतर्फ जाने स्थानीयको चेतावनी छ । मंगलबार काठमाडौंबाट गएका कुनैपनि गाडीले फोहोर फाल्न सकेका छैनन् ।
काठमाडौं महानगरपालिकाले हिजो सोमबार बन्चरेडाँडामा प्रहरी परिचालन गरेर फोहोर विसर्जन गरेको थियो । २ सय ५० भन्दा धेरै प्रहरी परिचलान गरेर २ सय ३ गाडी फोहोर विसर्जन भएको थियो ।
