गोकर्णेश्वोर-८ माकलबारी स्थित जया मल्टिपल क्याम्पस नजिकैको सानो पूलमा आवतजावत गर्नको लागि फलामको रेलिङ्गको मर्मतको काम सम्पन्न भएको छ।
गएका दिनमा भिषण बर्षाका कारण बागमती नदिको प्रवाह बढेको हुँदा पुलमाथिको रेलिङ्ग बगाइएको थियो। तत्काल सुचना प्राप्त भएपछी वडा अध्यक्ष नन्दलाल श्रेष्ठले उक्त रेलिङ्ग मर्मतको लागि वडा कमिटिलाई निर्देशन दिएर कार्यवाहक वडा अध्यक्ष चन्द्रलाल श्रेष्ठलाई जिम्म दिएर कारणबस विदेश भ्रमणमा निस्केका थिए।
आज कर्मचारी तथा प्राविधिकको टोली सहित कार्यवाहक अध्यक्ष चन्द्रलाल श्रेष्ठले उक्त पूलको मर्मतको कार्य सम्पन्न गरेका थिए।
निर्माण सम्पन्न भए पश्चात् स्कूलका विद्यार्थी एवं सर्वसाधरणलाई आवतजावत गर्न सहज भएको छ। उक्त सानो पूलबाट ट्याक्सी तथा मोटरसाइकल समेत आवतजावत गरिन्थ्यो।
यश समस्याको दिर्घकालिन समाधानको लागि माकलबारी र मेडिकल कलेज जोड्ने पूल निर्माणको आवस्यकता देखिएको छ।
