हिमालयन जनरल र एभरेष्ट इन्स्योरेन्सको एकीकृत कारोबार सुरु भएको छ । मर्जर पश्चात् हिमालयन एभरेष्ट इन्स्योरेन्सको नामबाट एकीकृत कारोबार सुरु भएको हो ।
गत २३ वैशाखमा दुवै कम्पनीबीच मर्जरमा जाने सम्झौता भएको थियो । सम्झौता पश्चात दुवै कम्पनीले २ असारमा विशेष साधारण सभा बोलाएर मर्जरसम्बन्धी प्रस्ताव पारित गरेका थिए । ८ असारमा बीमा समितिले मर्जरको अन्तिम स्वीकृत दिएको थियो ।
एभरेष्टको १०० कित्ता बराबर हिमालयन जनरलको ८५ किता अर्थात १००: ८५ को सेयर आदानप्रदान अनुपात (स्वाप रेसियो) कायम हुने गरी मर्जरमा जाने प्रस्ताव दुवै कम्पनीको विशेष साधारणसभाले पारित गरेको थियो ।
हिमालयन जनरल इन्स्योरेन्सको चुक्ता पूँजी १ अर्ब १७ करोड ३५ लाख रुपैयाँ र एभरेष्ट इन्स्योरेन्सको चुक्ता पूँजी १ अर्ब २५ करोड ४६ लाख रुपैयाँ रहेको थियो । मर्जर पश्चात बनेको हिमालयन एभरेष्ट इन्स्योरेन्स कम्पनीको चुक्ता पूँजी २ अर्ब १८ करोड १० लाख रुपैयाँ पुगेको छ ।
‘हिमालयन एभरेष्ट इन्स्योरेन्स’ को प्रमुख कार्यकारी अधिकृत (सीईओ) विजयबहादुर शाह बन्ने छन् । ८ वर्ष एजएलजी इन्स्योरेन्समा प्रमुख कार्यकारी अधिकृत भएको शाह नेपाल इन्स्योरेन्स कम्पनीमा ४ वर्ष प्रमुख कार्यकारी अधिकृत भएर काम गरेका शाह हिमालयन जनरलमा भने गत फागुनमा जोडिएका थिए ।
