बुटवलको तिनाउ नदीमा बुटवलका एक व्यक्तिको शव फेला परेको छ।
सोमबार बिहानै बुटवल उपमहानगरपालिका वडा नं. ११ प्रगतिनगरस्थित तिनाउ नदीको किनारमा एक वयस्क पुरूषको शव फेला परेको थियो।
उक्त शव बुटवल-११ बुद्धनगरका ६५ वर्षीय किशोरबहादुर नेपालीको रहेको प्रहरीले जनाएको छ।
इलाका प्रहरी कार्यालय बुटवलका प्रहरी नायब उपरीक्षक ठगबहादुर केसीका अनुसार शवको पहिचान भए पनि उनको मृत्यु कसरी भयो भन्नेबारे खुल्न सकेको छैन।
तिनाउ नदीको बीचमा थुप्रिएको गेग्रानमाथि नेपालीको शव घोप्टो परेको अवस्थामा स्थानीयले देखेपछि प्रहरीलाई खबर गरेका थिए।
सोमबार बिहानै बुटवलमा ठूलो पानी परेको र तिनाउ नदीमा आएको बाढीले बगाएर ल्याउने दायरा समात्ने जाने क्रममा नेपालीलाई बाढीले बगाएको हुनसक्ने प्रहरीले आशंका गरेको छ।
यद्यपि घटनाका बारेमा थप अनुसन्धान भइरहेको प्रहरी नायब उपरीक्षक केसीले जानकारी दिए।
