राष्ट्रिय युवा गैरसरकारी महासंघ र UNDP को सहकार्यमा आज अनामनगरस्थित युनियन हाउसमा स्थानीय निर्वाचनमा प्रदेशका युवाको भुमिका विषयक अन्तरक्रिया कार्यक्रम सफल भएको छ। स्थानीय निर्वाचनमा युवाको एजेण्डा, घोषणापत्रमा युवाको मुद्दा, स्थानीय स्रोतमा युवा परिचालन , युवा सचेतना विषयमा उक्त गोष्ठी केन्दृत रह्यो। कार्यक्रममा मतदाताहरूको शतप्रतिशत सहभागिता, बदर मतमा ह्राश ल्याउने भुमिका तथा ब्यवस्थित निर्वाचन प्रक्रियामा युवाहरुको प्रतक्ष भुमिका रहेको प्रमुख अतिथी नेपाल सरकारबाट राष्ट्रिय निर्वाचन आयोगका उपसचिव सूर्यप्रसाद अर्यालज्यूले प्रारम्भिक बैठकमा छलफल गरे।
स्थानीय चुनावमा नेपालभरि हुने ७५३ बूथबाट करिब ३५ हजार २५१ जनप्रतिनिधिहरु निर्वाचित हुनेछन्, हरेक जिल्लाका जिल्ला न्यायाधीश नै पालिका तथा जिल्लाका मुख्य निर्वाचन अधिकृतको रुपमा काम गर्नेछन् भन्ने सुचना प्रशिक्षक एवं अतिथी अर्यालबाट प्राप्त भयो।
कार्यक्रमलाई थप प्रकाश पार्दै UNDP-ESP विष्णु नेपालले बागमती प्रदेशका तेह्रै वटा जिल्लाहरुमा व्यपक युवा परिचालन गर्ने, निर्वाचनका मूल्य र मान्यतालाई आत्मसात् गर्दै असल, सफल र नेतृत्वदायी जनप्रतिनिधिहरुको छनौट गर्नको लागि पनि युवाको विशेष भूमिका रहेको जानकारी दिए।
