नेपाली कांग्रेस केन्द्रिय प्रचारप्रसार सांस्कृतिक समन्वय उपसमिति द्वारा ” कांग्रेस नै चाहियो” नामक गीत लोकार्पण गरेको छ। कार्यक्रम नेपाली कांग्रेस पार्टीको प्रवक्ता डा. प्रकाशरण महत को प्रमुख आथित्यतामा सानेपा पार्टी कार्यालयमा भएको हो।
उक्त कार्यक्रममा नेपाली कांग्रेस को चुनावी प्रचारप्रसार बारे चर्चा भएको थियो। सङ्गितमय कांग्रेस तथा सबैलाई अटाउने र देशलाई समृद्धि तर्फलाने कांग्रेसको परिकल्पना प्रचार-प्रसार उप-समितिले गर्ने कुरा प्रवक्ता महतले बताए। स्थानीय चुनावमा देशलाई कांग्रेसमय बनाउन प्रवक्ताले अव्हान समेत गरे यद्यपि सङ्गीत र कलाकारिताले मात्र कांग्रेसलाई चुनावी प्रतिश्पर्धामा नजिताउने तर त्यसका लागि समग्र कांग्रेसका कार्यकर्ता र नेताहरुले दिलोज्यानले लाग्नपर्ने कुरा समेत उनले बताए। कार्यक्रममा उपसमितिका अध्यक्ष, सान्स्कृतिक कलाकर्मी, पत्रकार तथा विभिन्न लोकप्रीय कलाकारहरुको समेत उपस्थिती रह्यो।
