नेपाली कांग्रेस पार्टीको भ्रातृसंगठन नेपाल विद्यार्थी संघले प्रज्ञा प्रतिष्ठान कमलादिमा संघको ५३ औं बार्षिक उत्सव तथा आगामी निर्वाचनमा विद्यार्थी सङ्घको भूमिका विषयक विचार गोष्ठी कार्यक्रम सम्पन्न गरेको छ।
कार्यक्रम नेपाल बिद्यार्थी संघका नवनिर्वाचित सभापति डुजाङ्ग शेर्पाको सभापतित्वमा भएको हो भने भने प्रमुख अतिथि नेपाली कांग्रेस पार्टीका सभापति एवं प्रधानमन्त्री शेरबहादुर देउवा रहेका थिए। नेपाल विद्यार्थी सङ्घको एकता, संघर्ष , सहभागिता र पार्टी एकताको लागि विद्यार्थीहरुको सक्रियता मुल्यवान छ र पार्टीले यसको उच्च मुल्यांकन गर्ने प्रमुख अतिथी सम्माननिय प्रधानमन्त्री देउवाले बताए। कार्यक्रममा नेपाल विद्यार्थी संघले आसन्न स्थानीय निर्वाचनमा कांग्रेसलाई जिताउन हर प्रयास गर्नेछ साथै प्रचारप्रसारमा संघ बढिसकेको कुरा समेत सभापती शेर्पाले बताए। कार्यक्रममा प्रमुख अतिथी देउवाले संघसंगठन बलियो बनाउनको लागि सबै गाउघरका विद्यालयमा समेत ने.वि. संघ देखिनुपर्नेछ र नेतृत्व विकास गर्न, अब्बल हुन, सबै विद्यार्थीले पढाईमा ध्यान दिनुपर्ने र अगाडि बढ्न पर्ने कुरा व्यक्त गर्नुभयो।
कार्यक्रममा नेपाली कांग्रेसका वरिष्ठ नेता रामचन्द्र पौडेल, गृहमन्त्री बालकृष्ण खाण, महामन्त्री विश्वप्रकाश शर्मा, सह महामन्त्री तथा अन्य नेताहरुको उपस्थिती रहेको थियो। कार्यक्रममा विद्यर्थी संघको गीतले थप उर्जा सहभागिमा दियो। लगभग ३००० विद्यार्थीहरुको उपस्थिती रहेको उक्त कार्यक्रममा विभिन्न सन्चार्कर्मी, प्रहरी प्रमुखहरु तथा पत्रकारहरुको सहभागिता थियो।
