नेपाल दलित संघ स्थानीय तह निर्वाचन केन्द्रिय परिचालन समितिका संयोजक रामकृष्ण लकान्द्रीको सभापतित्वमा आज वी.पी. भवनमा केन्द्रिय कार्यसमितिको बैठक बसेको छ। यश बैठकले आसन्न स्थानीय निर्वाचनमा दलित संघको भुमिका र प्रतिनिधित्व विषयमा छलफल गरि कार्यक्रम सम्पन्न भयो। कार्यक्रममा नेपाली कांग्रेस पार्टीले दिएको निर्देशनमा नेपाल दलित संघले आफ्नो सबै तहको संघसंगठनलाई व्यापक परिचालन गरि दलित समुदाय समक्ष सन्चार गर्ने र स्थानीय तह निर्वाचनमा दलित समुदायलाई नेपाली कांग्रेसको पक्षमा मतदान गर्न आह्वान गर्ने र बिजयी गराउने कार्यमा डटेर लाग्ने प्रतिवद्दता बैठकका सहभागिहरुमा निर्देशन भयो। कार्यक्रममा दलित संघका केन्द्रिय सदस्यहरु, दलित संघ बागमती प्रदेश सभापती, जिल्ला सभापती, दलित विद्यार्थी संघका सभापति तथा अन्य दलित नेताहरुको सहभागिता रह्यो। दलित संघले नेपालको मधेशी दलित हरुलाई अग्रसरतामा नदिएको, प्रतिनिधित्व नदिएको विषयमा पनि चर्चा भयो। कार्यक्रममा दलित महिला सहभागिताको बिषयमा बिशेश चर्चा भयो। स्थानीय तहको निर्वाचनमा दलित नेतृत्व आवस्यक रहेको वडा, पालिका, जिल्लामा प्रमुख भुमिकामा दलित संघबाट प्रतिनिधित्व गर्न व्यापक प्रचारप्रसार आवस्यक रहेको र यश बैठकले ठहर गरेको छ। यसैगरी वडामा दलित समुदायलाई अग्रसरता नदिने तत्वलाई पनि कसरी जवाफ दिने चुनौतिहरु यथावत नै रहेको अबस्थामा अब दलित संघ कसरी अगाडि बढ्छ भन्ने प्रश्न पनि छ।
