घर-घर जाऔँ, काँग्रेस जिताऔँ अभियानलाई सार्थक तुल्याऔँ। मानव इतिहासमा परिवर्तन अपरिहार्य रह्यो। जय मानव !!!
विश्वका राष्ट्रहरूको बर्तमान शक्ति समाज परिवर्तन, स्वतंत्रता समाजवाद र लोकतन्त्रको उपज हो भन्दा कुनै दुईमत नरहला। नेपालको परिदृश्य हेर्ने हो भने नेपाली कांग्रेसको इतिहास धेरै लामो छ। विक्रम संवत् २००३ माघ १२ र १३ गते भएको प्रथम कांग्रेस महाधिवेशनले ३३ वर्षे वी.पी. कोइरालालाई सभापतिमा चयन गर्दै गर्दा नै कांग्रेसले राज्य स्थापनाको दैवी मान्यतालाई चुनौती दिदै नेपाल र नेपाली जनताको सार्वभौम अधिकारका लागि आफ्नो कर्तवय नबुझ्ने राजा, प्रजाका शत्रु हो भन्ने मुल मान्यतालाई आत्मसाथ गर्दै, राज्यमा प्रजातन्त्र स्थापनाको लागि अहिंसात्मक जनक्रान्ति गर्ने उद्देश्य राख्नुका साथै सबै जात, धर्म ,लिंग ,वर्ण र आर्थिक अवस्थाका नेपालीहरुको यस संस्थाको सदस्य र पदाधिकारी हुन सक्ने व्यवस्था गरेको थियो।
कांग्रेसले के गर्यो त?
विक्रम संवत् २००३ को आम मजदुर हडताल, २००७ सालको क्रान्ति भद्र अवज्ञा (तेस्रो सत्याग्रह) आन्दोलन, महिला संघ स्थापना ,तरुण दल स्थापना पश्चात् आएको वि.स. २०१५ फागुन ७ गतेको आम निर्वाचनबाट वि.पी पहिलो जननिर्वाचित प्रधानमन्त्री बने। यस मन्त्रिमण्डलले स्वतन्त्र र निष्पक्ष न्यायलयको विकास, आर्थिक सुधार, बिर्ता उन्मूलन ऐन, जंगलको राष्ट्रियकरण, राष्ट्रिय योजना समिति निर्माण, राज्यरजौटा उन्मुलन, सिचाई र कृषि परियोजनाको सुरुवात, भ्रष्टाचारविरुद्ध अभियान, हजारौ स्कुल निर्माण र त्रिभुवन विश्वविद्यालय निर्माण, हवाई यातायात विस्तार र राष्ट्रियकरण, घरेलु उद्योग विकास, नेशनल ट्रेडिङ स्थापना, औद्योगिक विकास र विभिन्न दुरदर्शी योजना तर्जुमा गर्यो।
कालान्तरमा विभिन्न राजनीतिक दलहरुले कांग्रेसले ल्याएको प्रजातन्त्रको जगमा टेकेर घिनलाग्दा षड्यन्त्र र रणनीति ल्यायो जसको दुर्भाग्य स्वरुप स्थिर सरकार रहन पुगेन र कम्यूनिष्ट हस्ताक्षप बढ्दै गयो। कांग्रेसले आफ्नो त्रिकोणात्मक नीति, राष्ट्रिय मेलमिलापको नीति, चुनावी प्रदर्शन र नेतृत्वबाट नेपाल महिला संघ, विद्यार्थी संघ, तरुण दल, नेपाल प्रजातन्त्र सेनानी संघ, दलित संघ, भूतपूर्व सैनिक संघ, आदिवासी जनजाति संघ , मुस्लिम संघ , तामाङ्ग संघ , राष्ट्रिय मगर संघ, ठाकुर समाज जस्ता भ्रातृसंगठनहरु को स्थापना गरी नेपालमा समतामूलक र समावेशी नेतृत्वको अवधारणा ल्यायो।
आखिर किन त कांग्रेस?
देशमा जब जब संकट र आर्थिक अभाव दमन र राष्ट्रिय सार्वभौमिकताको प्रश्न आयो, कांग्रेस सधैं आवाजले, सशस्त्र दाङ्गले, नीतिले र विचारले अगाडि सरेको छ। तत्कालीन के.पी ओली सरकारले उखान र टुक्का भनेर देश, जनता र राष्ट्रिय जगत हसाई रहेको बेला कांग्रेस आफ्नो दुरदर्शी योजना बनाउँदै थियो। सरकारमा आए पश्चात नै वर्तमान कांग्रेसले कोभिड विरुद्धको खोपको सहजता प्रदान गरेर मृत्युको मुखबाट लाखौं नेपालीलाई बचायो, आफ्नो अधिवेशन सम्पन्न गर्यो, स्वरोजगार बढाउदै विभिन्न योजनाहरुमा काम गर्यो र अहिले स्थानीय चुनावको समय समेत तोकेको छ। साथै हरेक वडा, गाउँपालिका, नगरपालिका, प्रदेश, जिल्ला तथा केन्द्रीय स्तरमा युवालाई प्रार्थमिकता दिदै मुलुकको समृद्धि र विकासमा सेवा पुर्याउन उत्कृष्ट संवाहक र धरोहर युवा पुस्तालाई मौका काँग्रेसले दिएको छ। ग्रामीण विकास गर्न, सुलभ बजारभाउ, रोजगारी, शिक्षा , सबल अर्थतन्त्र, लगानी, कृषि र उद्योगको विकास, सञ्चार र प्रविधि अवलम्बन, वातावरणीय र पर्यावरणीय सन्तुलन र जनताको आधारभूत आवश्यकता पूर्ति गर्न कांग्रेसलाई नै यस स्थानीय चुनावमा मत दिनु आवश्यक देखिन्छ।
अत: समाज रूपान्तरण र समृद्ध राष्ट्र निर्माणको लागि मेरो मत कांग्रेसमा।
राजु सुनार
केन्द्रीय अध्यक्ष
नेपाल दलित विद्यार्थी संघ
केन्द्रीय कार्यसमिति।
