राष्ट्र उत्थान लघुवित्तको आइपीओ बाँडफाँट सम्पन्न भएको छ । बिक्री प्रबन्धक एनआइबिएल एस क्यापिटलका अनुसार बिहीबार दिउँसो ३ बजे आइपीओ बाँडफाँट गर्ने कार्यक्रम सम्पन्न भएको हो ।
राष्ट्र उत्थानको आइपीओमा ३ अर्ब
५ करोड २० लाख ८८ हजार रुपैयाँ बराबरको आवेदन परेको छ । लघुवित्तको आइपीओमा मागभन्दा बढी आइपीओ परेपछि गोलाप्रथाबाट १० कित्ताको दरले बाँडफाँड गरिएको छ ।
आइपीओ भर्नेहरूमध्ये भाग्यमानी ७९ हजार ४५० जना आवेदकले मात्रै १० कित्ताको दरले सेयर पाएका छन् ।
लघुवित्तले फागुन ४ गतेदेखि ८ गतेसम्म जारी पूँजी २६ करोड रुपैयाँको ३२.६९ प्रतिशतले हुन आउने ८ करोड ५० लाख रुपैयाँ बराबरको ८ लाख ५० हजार कित्ता शेयर निष्काशनमा ल्याएको थियो ।
