गोकर्णेश्वोर नगरपालिका वडा न. ०४ स्थित गोकर्णेश्वोर बचत तथा ऋण सहकारी संस्थाले आफ्नो १० औं बार्षिक उत्सव भव्यताका साथ मनाएको छ। आफ्नो स्थापनाकालदेखी नै गोकर्णेश्वोर नगरवासिलाई आफ्नो सेवा सुविधा प्रदान गर्दै आएको उक्त सहकारी संस्थाले सस्तो ब्याजदरमा कर्जा उपलब्ध गराइरहेको छ। साथै विभिन्न वित्तीय योजनामार्फत आर्थिक कारोबार गर्दै आएको १० बर्ष भैसकेको छ। सहकारिका अध्यक्ष रोशन बाबू श्रेष्ठले आउने दिनमा यसका साखा कार्यालय स्थापना गर्न लागेको खबर समेत दिनुभयो।
बार्षिक उत्सवको कार्यक्रममा सम्पूर्ण संचालक समिति ,लेखा समिति ,विभिन्न समितिका पदाधिकारी साथीहरू शेयरसदस्यहरु र कर्मचारीहरुले यस संस्था प्रति देखाउनु भएको आत्मीयता, बिश्वास तथा मायाका लागि हार्दिक कृतज्ञता ज्ञापन गर्दै आगामी दिनहरूमा थप गुणस्तरीय, सर्वसुलभ एवम् अत्याधुनिक बित्तीय सेवा सहकारी मार्फत उपलब्ध गराउने प्रतिवद्धता व्यक्त गरेका छन। अध्यक्ष रोशन बाबू श्रेष्ठ अत्तरखेल सहकारी संस्थाका समेत सभापती हुन।